Hér má nálgast Áttina, umsóknarvefgátt fræðslusjóða

Fyrirtækjastyrkir

Símenntun er hagur allra!

Til þess að takast á við breytingar og þróun þá er menntun ein af þeim leiðum sem vænleg er til árangurs. Mikilvægt er að starfsmenn og stjórnendur fyrirtækja taki höndum saman og eigi sameiginlegt frumkvæði að starfsmenntun og sí-og endurmenntun. Fyrirtæki, stéttarfélög og eða fræðsluaðilar sækja um styrki til stjórnar Landsmenntar með því að senda umsókn þar sem fram koma helstu upplýsingar vegna viðkomandi fræðsluverkefnis. Tekið er á móti umsóknum um styrk í gegnum umsóknarvefgáttina www.attin.is sem er einnig aðgengileg hér á heimasíðu Landsmenntar.   Umsóknin er tekin til afgreiðslu hjá stjórn Landsmenntar og vinnur hún skv. eftirfarandi viðmiðunarreglum við úthlutanir styrkja: Rekstur starfstengdra námskeiða styrkt að hámarki 90% af viðurkenndum kostnaði.(Gildistími verði frá 15. mars til og með 1. apríl 2021). (Síðasta breyting á endadagsetningu gerð í nóvember 2020).

 

  • Almennur styrkur vegna námskeiða er 90% (gildistími frá 15. mars 2020 til og með 1. apríl 2021)  en getur þó aldrei orðið meiri en sem svarar kr. 40.000.- á kennda klst. f.o.m. desember 2012. (Síðasta breyting á endadagsetningu gerð í nóvember 2020).
  • Athugið að greitt er að hámarki kr. 300.000.- í styrk vegna náms/námskeiða pr. starfsmann. (f.o.m. 1. janúar 2018)
  • Fyrirtæki utan SA eru styrkt að hámarki 90% af því sem fyrirtæki innan SA fá í fræðsluverkefni. f.o.m. 1. sept. 2011.
  • Tölvu-og tungumálanámskeið hjá fyrirtækjum eru almennt styrkt um 90% (gildistími frá 15. mars 2020 til og með 1. apríl 2021) af kostnaði enda teljast slík námskeið ávallt starfstengd. f.o.m. 1. janúar 2013. (Síðasta breyting á endadagsetningu gerð í nóvember 2020).
  • Vinnuvélanámskeið styrkt beint til fyrirtækja sem starfstengd námskeið að hámarki 90% (gildistími frá 15. mars 2020 til og með 1. apríl 2021) af viðurkenndum kostnaði. F.o.m. 14. september 2011. (Síðasta breyting á endadagsetningu gerð nóvember 2020).
  • Íslenskunám fyrir erlenda starfsmenn eru styrkt til fyrirtækja um 90% (gildistími frá 15. mars 2020 til og með 1. apríl 2021) af þeim kostnaði sem eftir stendur eftir fjármögnun menntamálaráðuneytis á þeim námskeiðum. Lagt er til að námskeiðin verði þá einstaklingunum sjálfum að kostnaðarlausu. Einnig eru fyrirtæki hvött til þess að bjóða upp á íslenskunámskeiðin á vinnutíma þegar þess er kostur. (Síðasta breyting á endadagsetningu gerð í nóvember 2020).
  • Þá er boðið upp á verkefnið Fræðslustjóra að láni en þar er um að ræða samning sem gerður er um tiltekinn tímafjölda vinnu utanaðkomandi fræðslu-og mannauðsráðgjafa sem fer yfir skipulag þjálfunar og fræðslu fyrirtækisins. Niðurstaðan er fræðsluáætlun sem er sérsniðin að þörfum viðkomandi fyrirtækis. Samstarf fleiri sjóða f.o.m. árinu 2008.
  • Námskeið erlendis: Fyrirtæki sem óskar eftir að senda starfsmenn á námskeið erlendis, getur sótt um 75%(67,5% ef utan SA) af viðurkenndum kostnaði. Styrkur getur þó ekki orðið hærri en kr. 300.000.- vegna hvers starfsmanns og þar af getur ferðakostnaður ekki orðið meiri en sem nemur kr. 100.000.- af heildarupphæð styrks. Ef sambærilegt námskeið er í boði innanlands er ferðakostnaður undanskilinn heildarkostnaði og því ekki styrktur. (síðast breytt f.o.m. 1.janúar 2018)
  • Náms- og kynnisferðir: Landsmennt veitir ekki styrk til fyrirtækja vegna náms- og kynnisferða til útlanda.
  • Afstaða stjórnar til styrkveitinga í þróunarverkefni, stærri fræðsluverkefni og námsefnisgerð er metin hverju sinni út frá eðli verkefnanna.

Ítrekað er að launakostnaður fyrirtækja er aldrei hluti af þeim kostnaði námskeiða sem Landsmennt styrkir, þá er heldur ekki tekinn með kostnaður vegna veitinga, bókakaupa á námskeiðum. Styrkloforð stjórnar hverju sinni eru ávallt gerð upp og styrkur greiddur eftir að verkefnið hefur farið fram – eða námskeið hefur verið haldið. Slíku uppgjöri þarf að fylgja þátttakendalisti þar sem fram kemur félagsaðild starfsmanna og kvittanir fyrir staðfestum kostnaði. Tekið er á móti allt að 12 mánaða gömlum kvittunum/reikningum. Fyrirtæki geta fengið allt að 3 mkr. á ári í styrk. Landsmennt styrkir einnig eigin fræðslu fyrirtækja (innanhúsfræðslu) þar sem leiðbeinandi/kennari er jafnframt starfsmaður viðkomandi fyrirtækis. Gefin er út heimild um slík verkefni áður en námskeiðin eru haldin og fyrirtæki senda inn styrkumsókn í gegn um Áttina eins og með önnur aðkeypt námskeið. Um styrki til eigin fræðslu gilda sérstakar verklagsreglur sem má sjá hér;

Verklagsreglur vegna styrkja til eigin fræðslu fyrirtækja

Síðast uppfært í nóvember 2020: Átaksverkefni (gildistími frá 15. mars 2020 til og með 1. apríl 2021). (Síðasta breyting á endadagsetningu gerð í nóvember 2020).